berding kwadirno

Pisara

Pisara



Sa aklat na luntian/ ang isinulat: luha

Kaya walang mabasa/kahit isang talata

Kinabisa’t inisip/mula pa pagkabata

Tumanda’t nagkauban/hindi mo maunawa



Pansin ko ay nabaling/subalit naisulat

Sa pisara ng isip/isang bunton ng layak

Ito’y luntiang kulay/at may kwadradong sukat

At basahang pambura/sa yesong nakasulat



Ang tabla kulay berde/ang tangan ay yeso

Sinulat A,B,K,D/kumpas ng aking guro

Hated ay karunungan/mga nais matuto

Inilagay sa isip/pati na sa puso



Kahit may kalumaan/ito pa rin ay gamit

Sa mga alphabeto/malaki o maliit

Pang unawa’y lawakan/sa isipan sumiit

Sa malapad na pader/ito ay nakadikit



Maraming kabataan/sa iyo’y umaasa

Batid ay kaalaman/bata man o matanda

Huwag sanang mabigla/kung tao ay dumagsa

Dahil hangad lang nila/matutuhang maganda



Nakasulat sa aklat/doo’y ipaglilipat

Para sa harap niyo’y/maging karapat-dapat

At sa karunungan ay/hind imaging salat

Kahit kaninong tao/pwede na rin itapat



Sa iyong unang tingin/parang walang halaga

Hindi mo ba naisip/lahat ng nakapasa

Ito’y kanilang gamit/noong sila’y bata pa

At nagiging sulatan/ng bawat letra


Iyo ring pag-isipan/tunay na kahulugan

Ng malaking pisara/sa tuwing susulatan

Nag karoon ng laman/para itong larawan

Ng isang kabataan/marami nalalaman



Itong mga pisara/ay gamitin ng tama

At baka sa hulihan/marahil magsisi ka

Hindi mo na mabasa/dahil ito ay sira

Kaya munting piraso/na lang ang natitira





Ito’y iyong punuin/ng mga kaalaman

Para rin nag karoon/ng silbit kabuluhan

Upang lahat kayo ay/mayroong matutunan

at ito ay magamit/sa ting kinabukasan

para kay paring cortez

Tula ni paring cortez

Pabula

Ito ay likha lamang ng ating guniguni

sa kabila ng lahat itoy di mangyayari

Karaniway ang hayop ang gumaganap dito

Minsay sinasamahan ng karaniwang tao



Ang mga kwentong itoy sa kanila ay batid

sa mga batang isip kaalaman ang hatid

katulad ng pilandok na muntik ng mapiit

dahil samga taong ditoy galit na galit



Ito ay panitikan na tawag din ay kata

Kung ating babasahin itong kwentong pabula

Na may kababalaghan at kwento ring masaya

Kapupulutang aral ng mga munting bata



Ang layuning pabula magpasaya ay likas

Sapagkat nag-aangking kariktang walang kupas

Kung siya ay lilikha may akday tinitiyak

Kapag itoy nabasa sa isip ay tatatak



Itong uring salaysay ipag ukol sa bata

Upang ang kaisipan ay palawaking kusa

Kahit itoy katha lang itong uring pabula

Pagyamaning nilikha ang paraang mabisa



Dapat pag ibayuhin ang kalamang hatid

Ang lahat ng salita na kaloob ng langit

Sa kwentong lumilikha salita syang naggawad

Nararapat syay tawaging isang huwad



Kung tayo ay kakatha ng sariling pabula

Ating itong alamin mga tamang pag gawa

Upang ang kaalamay iparating sa bata

Kalulugdan ngmadla ang sariling nilikha



Kung ating pakikigan itong kwentong salaysay

Kahit kathang isip lang itoy ay parang tunay

Mga kwentong nilikha katulad o kabagay

Ang mga kadungay sa atiy ibinigay



atin itong ihandog mga munting pabula

upang sa mga bata ay mag bigay ng tuwa

tayoy mag pasalamat sa lahat ng biyaya

ang pabulang nilikhay tunay na mahiwaga



tuad ng mga wika na dapat tangkilikin

itong kwentong pabula nakaloob sa atin

ang nilalaman nito tayo ay pasayahin

ating pagibayuhin at itoy pag yamanin